ສຶກສາປະສິດທິພາບຂອງສານອອກລິດຢັບຢັ້ງມະເຮັງປອດ ທີ່ສະກັດຈາກຕົ້ນລີ່ມໄມ້ (Oroxylum indicum) ຢູ່ແຂວງສະຫວັນນະເຂດ ສປປ ລາວ
ບົດຄັດຫຍໍ້ ຕົ້ນລີ່ມໄມ້ ຊື່ວິທະຍາສາດ (Oroxylum indicum) ຢືນຕົ້ນ, ໃບເລ້ຽງຄູ່ ແລະ ອອກກິ່ງງາ່, ໃບມີສີຂຽວ. ພົບເຫັນຫຼາຍທີ່ສຸດແມ່ນຢູ່ບໍລິເວນທົ່ງພຽງ, ພູພຽງ. ລັກສະນະຂອງດິນທີ່ມັກພົບເຫັນຕົ້ນລີ່ມໄມ້ ເກີດມີຕາມ ດິນຊາຍທີ່ຢູ່ໃກ້ແຄມແມ່ນໍ້າ ແລະ ປ່າ ໂດຍສະເພາະມີກະຈາຍທົ່ວໄປໃນບັນດາປະເທດ ອາຊີອາຄະເນ. ຕົ້ນລີ່ມໄມ້ເປັນພືດທີ່ຖືກຈັດເຂົ້າໃນພືດຢືນຕົ້ນ. ໂດຍທົ່ວໄປຄົນເຮົາຮູ້ຈັກນຳໃຊ້ຕົ້ນລີ່ມໄມ້ ປຸງແຕ່ງອາຫານ ແລະ ເປັນຢາປົວພະຍາດ ເປັນຕົ້ນ: ຂ້າໜອນ, ຂ້າເຫົາ, ຂ້າໄຮ, ຂ້າເຫັບ. ນອກຈາກນັ້ນ; ຄົນເຮົາຍັງໄດ້ນຳໃຊ້ຕົ້ນລີ່ມໄມ້ ເຂົ້າໃນການປົວພະຍາດຝີພາຍໃນ. ການສະກັດສ່ວນປະກອບທາງເຄມີ ແລະ ທົດສອບຄຸນສົມບັດທາງການຢາຂອງສານສະກັດຈາກຕົ້ນລີ່ມໄມ້ ຢູ່ແຂວງສະຫວັນນະເຂດ ສປປ ລາວ ແມ່ນມີຈຸດປະສົງເພື່ອສະກັດທາດເຄມີ ແລະ ປຽບທຽບປະສິດທິພາບຂອງຕົວພາລະລາຍ, ສະກັດທາດ, ແຍກທາດ ແລະ ທົດສອບຄວາມເປັນພິດຂອງສານສະກັດຕໍ່ກັບຈຸລັງພະຍາດ, ວັດຖຸດິບ ເກັບຈາກເມືອງໄຊບູລີແຂວງສະຫວັນນະເຂດ ມາດຳເນີນການວິໄຈ ຢູ່ທີ່ຫ້ອງທົດລອງຄະນະວິທະຍາສາດທຳມະຊາດ ມະຫາວິທະຍາໄລ ສະຫວັນນະເຂດ. ຈາກຜົນຂອງການວິໄຈເຫັນວ່າ: n-hexane ແລະ Ethyl Acetate ມີປະສິດທິຜົນໃນການສະກັດຕ່ຳ, Ethanol ແລະ Methanol ມີປະສິດທິພາບໃນການສະກັດທາດຈາກຕົ້ນລີ່ມໄມ້ສູງ, ສານສະກັດ ຈາກຕົ້ນລີ່ມໄມ້ ມີຜົນຕໍ່ການຢັບຢັ້ງຈຸລັງມະເຮັງຕັບ ແລະ ມະເຮັງປອດ ໃນລະດັບຕ່ຳ ແຕ່ ສາມາດຢັບຢັ້ງ ເຊື້ອມະເຮັງເຕົ້ານົມ, ມະເຮັງປອດ ແລະ ມະເຮັງຕັບ ໃນລະດັບດີ.
Authors
- Sonexay Rasphone
- Khamko Vonganatha
- Vidavone Vilaipanya
Institutions
- Sri Krishnadevaraya University (IN)
Publication Details
- Journal
- ວາລະສານ ວິທະຍາສາດທຳມະຊາດ
- Published
- 2026-11-21
- DOI
- https://doi.org/10.71026/sj.v26i2.118
- Primary Topic
- Medicinal Plant Research
- Type
- article
- Field-Weighted Citation Impact
- 0.00