PARVOZ ZONASINI NAZORAT QILUVCHI RADIOLOKATSIYA STANSIYALARINING SIGNALLARNI RAQAMLI QAYTA ISHLASH ALGORITMLARINI TAKOMILLASHTIRISH ORQALI HAVODAGI HARAKATNI BOSHQARISH SAMARADORLIGINI OSHIRISH
Ushbu ilmiy maqolada zamonaviy havodagi harakatni boshqarish (HHB) tizimlarida parvoz zonalarini uzluksiz va ishonchli nazorat qilishning asosiy texnik vositasi bo‘lgan birlamchi (PSR) va ikkilamchi (SSR) radiolokatsiya stansiyalarining (RLS) aniqlik hamda to‘sqinliklarga chidamlilik ko‘rsatkichlarini oshirish masalalari tadqiq etilgan. An’anaviy RLS tizimlarida yer va suv yuzasidan qaytgan passiv signallar (klatter), murakkab gidrometeorologik sharoitlar hamda samolyotlarning tangensial trayektoriyada harakatlanishi oqibatida yuzaga keladigan axborot yo‘qolishlari tahlil qilingan. Tadqiqot doirasida Fazoviy-Vaqtinchalik Adaptiv Qayta Ishlash (STAP — Space-Time Adaptive Processing) algoritmlari va Raqamli Faol Fazalashtirilgan Antenna Panjaralari (AESA) arxitekturasi negizida takomillashtirilgan signallarga raqamli ishlov berish modeli ishlab chiqilgan. Taklif etilgan yondashuv klatter fonida nishonni aniqlash ehtimolini 0.42 dan 0.94 gacha ko‘tarish, soxta nishonlar paydo bo‘lish ehtimolini keskin kamaytirish hamda terminal zonalarda (TMA) xavfsiz oraliq masofalarni (separatsiya) qisqartirish imkonini beradi.
Authors
- Shukurova Saboxat Muratdjanovna
- Azizbek Muzaffar oʻgʻli Azamatov
Publication Details
- Journal
- Центральноазиатский журнал образования и инноваций
- Published
- 2026-11-18
- DOI
- https://doi.org/10.70413/cajei-v05-i10-a9850
- Primary Topic
- Radar Systems and Signal Processing
- Type
- article
- Field-Weighted Citation Impact
- 0.00