PANDEMIYADAN KEYINGI DAVRDA TURIZM KORXONALARIDA XIZMAT SIFATINI OSHIRISHNING TASHKILIY-IQTISODIY MEXANIZMINI TAKOMILLASHTIRISH
Maqolada turizm korxonalarida xizmat sifatini oshirishning tashkiliy-iqtisodiy mexanizmi pandemiyadan keyingi sharoitda o'rganiladi va uni takomillashtirish yo'nalishlari asoslanadi. Tadqiqotning dolzarbligi turistlar oqimining tez o'sishi sharoitida xizmat sifatini barqaror ta'minlash zaruratidan kelib chiqadi. Maqolada sifat boshqaruvining nazariy asoslari, tashkiliy-iqtisodiy mexanizmning tarkibiy qismlari va darajalari, shuningdek O'zbekiston turizm sohasining so'nggi yillardagi rivojlanish dinamikasi yoritiladi. Tadqiqot obyekti sifatida turizm korxonalari, predmeti sifatida esa ularda sifatni oshirishning tashkiliy-iqtisodiy mexanizmi tanlangan. Tadqiqot jarayonida ilmiy adabiyotlarni mazmun jihatidan tahlil qilish, tizimlashtirish va umumlashtirish, rasmiy statistik ma'lumotlarni tahlil qilish hamda foizli ulushlarni hisoblash usullaridan foydalanildi. Tahlil natijasida turistlar oqimining ortishi xizmat sifatining yaxshilanishini o'z-o'zidan kafolatlamasligi, safar maqsadlari tarkibi esa sifat talablarini belgilashda e'tiborga olinishi lozimligi aniqlandi. Shu asosda me'yoriy-standart, kadrlar, iqtisodiy rag'batlantirish hamda monitoring va raqamlashtirish bloklaridan iborat tashkiliy-iqtisodiy mexanizm modeli taklif etildi. Tadqiqotning cheklovi sifatida birlamchi so'rov o'tkazilmagani va xulosalar ikkilamchi ma'lumotlarga tayanishi qayd etiladi. Maqola natijalari turizm korxonalari rahbarlari, sohani tartibga soluvchi organlar va tadqiqotchilar uchun amaliy ahamiyatga ega.
Authors
- Ayzada Abadbayeva
Publication Details
- Journal
- Zenodo (CERN European Organization for Nuclear Research)
- Published
- 2026-11-17
- DOI
- https://doi.org/10.5281/zenodo.24300134
- Primary Topic
- Diverse Aspects of Tourism Research
- Type
- article
- Field-Weighted Citation Impact
- 0.00