MILLIY IQTISODIYOT TRANSFORMATSIYASI SHAROITIDA O‘ZBEKISTON TASHQI IQTISODIY FAOLIYATINING RIVOJLANISH XUSUSIYATLARI
Mazkur maqolada milliy iqtisodiyot transformatsiyasi sharoitida O‘zbekiston Respublikasi tashqi iqtisodiy faoliyatining rivojlanish tendensiyalari, institutsional islohotlarning tashqi savdo munosabatlariga ta’siri, eksport-import operatsiyalarining dinamikasi hamda xalqaro iqtisodiy integratsiya jarayonlarining o‘ziga xos xususiyatlari kompleks iqtisodiy-statistik tahlil asosida tadqiq etilgan. Tadqiqotning asosiy maqsadi mamlakat tashqi iqtisodiy faoliyatida yuz berayotgan miqdoriy va tarkibiy o‘zgarishlarni aniqlash, tashqi savdo samaradorligiga ta’sir etuvchi iqtisodiy va institutsional omillarni baholash hamda milliy iqtisodiyotning xalqaro raqobatbardoshligini oshirishga qaratilgan ustuvor yo‘nalishlarni ilmiy jihatdan asoslashdan iborat. Tadqiqot jarayonida tizimli yondashuv, qiyosiy tahlil, dinamik qatorlar, tarkibiy tahlil, iqtisodiystatistik guruhlash va institutsional-komparativ tahlil usullaridan foydalanilgan. Tadqiqotda tashqi savdo hamkorlari tarkibida ayrim yirik mamlakatlarning ustunligi, oltin eksporti bilan bog‘liq tebranishlar, transport-logistika cheklovlari va eksport tarkibini diversifikatsiya qilish zarurati asosiy tarkibiy muammolar sifatida ajratib ko‘rsatilgan. Olingan natijalar tashqi savdo hajmining o‘sishi iqtisodiy samaradorlikning yagona mezoni emasligini, balki yuqori qo‘shilgan qiymatli mahsulotlar eksportini kengaytirish, import qilinayotgan texnologiyalardan samarali foydalanish, xizmatlar eksportini rivojlantirish va milliy ishlab chiqaruvchilarning global qiymat zanjirlariga integratsiyalashuvini kuchaytirish muhimligini asoslaydi. Maqolada tashqi iqtisodiy faoliyatni institutsional takomillashtirish, eksport bozorlarini diversifikatsiya qilish, transport-logistika infratuzilmasini rivojlantirish va milliy iqtisodiyotning xalqaro raqobatbardoshligini oshirishga qaratilgan ilmiy-amaliy takliflar ishlab chiqilgan.
Authors
- Muazzamxon Mannopova
Publication Details
- Journal
- Innovations in Science and Technologies
- Published
- 2026-11-12
- Primary Topic
- Global Political and Economic Relations
- Type
- article
- Field-Weighted Citation Impact
- 0.00