O`ZBEKISTONNING INVESTITSIYA SIYOSATI VA CHET EL INVESTITSIYALARINI JALB ETISHNING RIVOJLANISH TENDENSIYALARI VA TARKIBIY O`ZGARISHLARI
Mazkur maqolada O‘zbekiston Respublikasida investitsiya siyosatining rivojlanish tendensiyalari, xorijiy investitsiyalarni jalb etishning iqtisodiy va institutsional omillari hamda investitsiya oqimlarining tarkibiy o‘zgarishlari kompleks iqtisodiy-statistik tahlil asosida tadqiq etilgan. Tadqiqotning asosiy maqsadi 2020–2026-yillarda mamlakat iqtisodiyotiga jalb etilgan xorijiy investitsiyalar va kreditlarning dinamikasini baholash, ularning moliyalashtirish manbalari, iqtisodiyot tarmoqlari va investor mamlakatlar bo‘yicha taqsimlanish xususiyatlarini aniqlash hamda investitsiya siyosatini takomillashtirishning ustuvor yo‘nalishlarini ilmiy jihatdan asoslashdan iborat. Tadqiqot jarayonida tizimli yondashuv, qiyosiy tahlil, iqtisodiy-statistik guruhlash, dinamik qatorlar va tarkibiy tahlil usullaridan foydalanilgan. O‘zbekiston Respublikasi Milliy statistika qo‘mitasi va Markaziy bankining statistik ma’lumotlari asosida xorijiy investitsiyalar va kreditlar hajmining o‘zgarishi, ularning jami asosiy kapitalga investitsiyalardagi ulushi, to‘g‘ridan-to‘g‘ri xorijiy investitsiyalar oqimi hamda investitsiya resurslarining tarmoq va geografik tarkibi baholangan. Tadqiqot natijalari xorijiy kapitalning milliy iqtisodiyotni moliyalashtirishdagi ahamiyati ortib borayotganligini, shu bilan birga investitsiya manbalarini diversifikatsiya qilish, tarmoqlararo mutanosiblikni ta’minlash va kapital qo‘yilmalarning iqtisodiy samaradorligini oshirish zarurligini ko‘rsatadi. Maqolada xorijiy investitsiyalarni yuqori qo‘shilgan qiymat yaratuvchi tarmoqlarga yo‘naltirish, texnologiyalar transferini rag‘batlantirish, hududlarning investitsion jozibadorligini kuchaytirish va investitsiya siyosatining natijadorligini oshirish bo‘yicha ilmiy-amaliy takliflar ishlab chiqilgan.Shu bilan birga, investitsiya faolligining o‘sish sur’atlari, moliyalashtirish manbalaridagi tarkibiy siljishlar va xorijiy kapitalning iqtisodiy rivojlanishdagi o‘rni baholangan.
Authors
- Muazzamxon Mannopova
Publication Details
- Journal
- Innovations in Science and Technologies
- Published
- 2026-11-12
- Primary Topic
- International Business and FDI
- Type
- article
- Field-Weighted Citation Impact
- 0.00