IKKI YOKI UNDAN KOʻP TILDA GAPLASHADIGAN MIYA: MULTILINGVIZM INSON INTELLEKTINI QANDAY OʻZGARTIRADI?

Ushbu maqolada multilingvizm (koʻp tillilik) fenomenining inson bosh miyasi tuzilishi, kognitiv funksiyalari va intellektual salohiyatiga ta’siri neyrolingvistik va psixolingvistik nuqtayi nazardan tahlil qilinadi. Tadqiqotda neyroplastiklik qonuniyatlari, kulrang va oq moddalar zichligining oʻzgarishi, shuningdek, miyaning boshqaruv funksiyasi (executive function) hamda kognitiv zaxira (cognitive reserve) tushunchalari zamonaviy neyrovizualizatsiya (fMRT, MRT) ma’lumotlari asosida yoritilgan. Koʻp tillilikning Altsgeymer va demensiya kabi neyrodegenerativ kasalliklarni kechiktirishdagi oʻrni va xorijiy tilning ratsional qarorlar qabul qilishga ta’siri ilmiy jihatdan asoslab berilgan.