QATAG‘ON SOYASIDA QOLGAN JADID AYOLLAR Qatag‘on ularning umriga hukm chiqardi, Biroq tarixga va xotiraga emas...

Mazkur maqolada XX asr boshlaridagi Turkiston o‘lkasida shakllangan jadidchilik harakatida xotin-qizlarning tutgan o‘rni, ahamiyati va qatag‘on siyosati vaqtida qanday ta’qib va tuhmatlarga uchragani Maryam Sultonmurodova va Xayriniso Majidxonova faoliyati misolida tahlil qilinadi. Jadidchilik harakati Turkistonda nafaqat maorif sohasi, balki madaniyat, siyosat va xalq xo‘jalik sohalarini ham yuksaltirish uchun marifatparvarlik harakati sifatida namoyon bo‘ladi. Mazkur jarayonlar tarkibida xotin-qizlarning savodini oshirish, ularni ta’limga jalb qilish va jamiyatda turli lavozimlarda ishlashiga yordam berish ham bor edi. Maryam Sultonmurodova va Xayriniso Majidxonovalar ham aynan shunday marifatparvarlik harakatida ishtirok etishgan. Maqolada ularning faoliyati, milliy uyg‘onish jarayonidagi o‘rni, siyosiy ta’qibga uchrash sabablari, shuningdek tariximizda tutgan o‘rni haqida so‘z yuritiladi.