MUSTAQILLIK YILLARIDA O'ZBEKISTONDA TADBIRKOR AYOLLAR FAOLIYATI (1991–2019-YILLAR) NAVOIY VILOYATI MISOLIDA TARIXIY-IJTIMOIY-IQTISODIY TAHLIL

Maqolada O'zbekiston Respublikasida mustaqillik yillarida, xususan, 1991–2019-yillarda xotin-qizlar tadbirkorligining shakllanishi va rivojlanishi tarixiy, ijtimoiy hamda iqtisodiy jihatdan tahlil qilingan. Bozor munosabatlariga o'tish jarayonida ayollarning iqtisodiy faolligi, tadbirkorlik faoliyatining huquqiy asoslari, oilaviy biznes va kichik biznesni rivojlantirishga qaratilgan davlat siyosati, nodavlat tashkilotlar hamda xalqaro institutlarning ishtiroki yoritilgan. Tadqiqotda Navoiy viloyatining iqtisodiy-geografik xususiyatlari, sanoatlashuv jarayoni, hududiy mehnat bozori va xotin-qizlar tadbirkorligi uchun shakllangan imkoniyatlar alohida o'rganilgan. Rasmiy statistik ma'lumotlar, qonunchilik hujjatlari va ilmiy tadqiqotlar asosida ayollar tadbirkorligining rivojlanish tendensiyalari, mavjud muammolari hamda tarixiy ahamiyati ochib berilgan.