NUTQIY-INTELLEKTUAL KOMPETENTLIKNING TARKIBIY-FUNKSIONAL MODELI: NAZARIY TAHLIL

Ushbu maqolada talabalarning nutqiy-intellektual kompetentligi tushunchasining ilmiy-nazariy mohiyati, uni boshqa kompetentlik turlaridan farqlovchi mezonlar va uning tarkibiy tuzilishi chuqur tahlil qilinadi. Kompetensiya va kompetentlik tushunchalari farqlangan holda, nutqiy-intellektual kompetentlikning besh komponentli — lingvokommunikativ, kognitiv-analitik, ijodiy-produktiv, media-transmedia va refleksiv-metakognitiv — modeli ilmiy asoslanadi. Har bir komponentning mustaqil, ammo o'zaro bog'liq tabiati nazariy va amaliy misollar orqali ko'rsatib beriladi. Maqola natijalari oliy ta'lim muassasalarida talabalar kompetentligini diagnostika qilish va rivojlantirish tizimini takomillashtirishda qo'llanilishi mumkin.