MEHNAT SHARTNOMASINI BEKOR QILISH ASOSLARI VA UNING HUQUQIY TARTIBGA SOLINISHI

Mazkur maqolada O'zbekiston Respublikasida mehnat shartnomasini bekor qilishning huquqiy asoslari, tartibi va ushbu jarayonda xodim hamda ish beruvchining huquq va majburiyatlari ilmiy-nazariy jihatdan tahlil qilinadi. Mehnat shartnomasini taraflarning kelishuviga ko'ra, uning muddati tugashi munosabati bilan, xodim yoki ish beruvchining tashabbusi asosida bekor qilish holatlari amaldagi mehnat qonunchiligi normalari asosida yoritiladi. Shuningdek, mehnat shartnomasini bekor qilishda qonuniylik, ijtimoiy adolat, xodim huquqlarining kafolatlanishi va mehnat nizolarining oldini olish masalalariga alohida e'tibor qaratiladi. Ilmiy adabiyotlar va xalqaro mehnat standartlari asosida mehnat shartnomasini bekor qilish mexanizmining nazariy hamda amaliy jihatlari o'rganiladi.