QORIN PARDA ORTI BO‘SHLIG‘INING CHOV SOHASI VA SONNING YUQORI UCHDAN BIR QISMIGA TARQALGAN RETSIDIVLANUVCHI EXINOKOKKOZI: KLINIK HOLAT

Ilgari exinokokkoz sababli ikki marta jarrohlik amaliyotini boshdan kechirgan 52 yoshli bemorda qorin parda orti bo‘shlig‘ining chap yonbosh-chov sohasi va sonning yuqori uchdan bir qismiga tarqalgan takroriy exinokokk zararlanishiga oid kam uchraydigan klinik holat taqdim etilgan. Dastlabki jarrohlik davolashdan ikki yil o‘tgach, takroriy tekshiruv davomida qorin parda orti bo‘shlig‘i, yonbosh va chov-son sohalarida joylashgan ko‘plab ko‘p kamerali kistoz hosilalar aniqlangan. Maqolada kam uchraydigan lokalizatsiyali takroriy exinokokkozni tashxislash va jarrohlik yo‘li bilan davolashning o‘ziga xos xususiyatlari, parazitar jarayonning chov-son sohasiga tarqalishining ehtimoliy yo‘llari hamda kasallikning qayta rivojlanish xavfini belgilovchi omillar muhokama qilingan.