BО'YASHDA ISHLATILGAN SUVDAN QAYTA FOYDALANISH TEXNOLOGIYASINI ISHLAB CHIQISH

Toʻqimachilik sanoatining boʻyash va pardozlash jarayonlarida hosil boʻladigan oqova suvlarni tozalash hamda ulardan ishlab chiqarishda qayta foydalanish texnologiyasini ishlab chiqish masalalari yoritilgan. Tadqiqotda fizik-kimyoviy, koagulyatsiya, adsorbsiya va zamonaviy membrana (teskari osmos) texnologiyalarining kombinatsiyalashgan usuli tahlil qilingan. Tajribalar natijasida oqova suv tarkibidagi boʻyoq moddalari, kimyoviy birikmalar va tuzlarning konsentratsiyasini kamaytirish orqali suvni qayta texnologik jarayonga yoʻnaltirish imkoniyatlari isbotlangan. Bu esa korxonalarda toza suv sarfini kamaytirish va ekologik barqarorlikni ta'minlashga xizmat qiladi.