ДАВЛАТ ХАРИДЛАРИДА ИНСОФСИЗ ИЖРОЧИЛАРНИ РЎЙХАТГА ОЛИШНИНГ ҲУҚУҚИЙ МЕХАНИЗМЛАРИНИ ТАКОМИЛЛАШТИРИШ ВА КОРРУПЦИЯВИЙ ХАВФ-ХАТАРЛАРНИ БАРВАҚТ ОЛДИНИ ОЛИШ

Ушбу мақолада давлат харидлари тизимида коррупцияга оид ҳуқуқбузарликларнинг ва манфаатлар тўқнашувининг олдини олиш, Инсофсиз ижрочиларнинг ягона реестрини юритишнинг институционал ва ҳуқуқий муаммолари таҳлил қилинган. Мақолада аффилланган шахслар ва бенефициар мулкдорлар томонидан янги юридик шахслар ташкил этиш орқали чекловларни айланиб ўтиш амлиётига чек қўйиш масалалари ўрганилган. Қозоғистон, Қирғизистон, АҚШ ва Сингапур каби хорижий мамлакатлар тажрибаси ҳамда халқаро тадқиқотчиларнинг (С. Роз-Аккерман, Ж. Тилти, К. Ароэна ва бошқ.) қарашлари қиёсий-ҳуқуқий таҳлил қилиниб, Ўзбекистон Республикаси «Давлат харидлари тўғрисида»ги Қонунига ва соҳавий норматив-ҳуқуқий ҳужжатларга киритилиши лозим бўлган таклиф ва қўшимчалар асослаб берилган.