AMIR TEMURNING DAVLAT BOSHQARUVI KONSEPSIYASI: ADOLAT, FIKRLAR XILMA-XILLIGI VA NEPOTIZMGA QARSHI KURASH

Ushbu tezisda "Temur tuzuklari" asari asosida Amir Temurning davlat boshqaruvi konsepsiyasidagi uch tamoyil – adolat, fikrlar xilma-xilligini inobatga olish va lavozimlarni qobiliyatga ko'ra taqsimlash masalalari tahlil qilingan. Davlatni boshqaruvchisi adolat bilan birga vazir va mas'ullarning halolligi davlat barqarorligida hal qiluvchi rol o'ynashi, rahbar turli qatlam vakillarining fikrini tinglab, ulardan oqilona foydalana olishi lozimligi yoritilgan. Shuningdek, Amir Temur kadrlar siyosatidagi meritokratiya unsurlari sulolaviy boshqaruv sharoitida qanday namoyon bo'lgani ko'rsatilib, ularning bugungi kundagi nepotizm va korrupsiyaga qarshi kurash bilan aloqadorligi asoslab berilgan.