QATAG‘ON QURBONLARI MA’RIFIY MEROSINI ZAMONAVIY TA’LIMGA INTEGRATSIYA QILISH MASALALARI

Mazkur maqolada XX asrning birinchi yarmida siyosiy qatag‘onlarga uchragan o‘zbek ma’rifatparvarlari va jadid ziyolilarining ma’rifiy-pedagogik merosi, uning milliy pedagogik tafakkur shakllanishidagi o‘rni hamda zamonaviy ta’lim tizimi uchun ahamiyati tahlil qilinadi. Maqolada Mahmudxo‘ja Behbudiy, Munavvarqori Abdurashidxonov, Abdulla Avloniy, Abdurauf Fitrat, Ishoqxon Ibrat, Abdulla Qodiriy va Abdulhamid Cho‘lpon kabi ma’rifatparvarlarning ta’lim, tarbiya, maktab, ona tili, axloq, mustaqil fikrlash, milliy ong va jamiyat taraqqiyoti haqidagi qarashlariga e’tibor qaratildi. Jadidlarning yangi usul maktablari tashkil etishi, darsliklar yaratishi, matbuot va teatr vositasida xalqning ma’rifiy saviyasini oshirishga intilishi ularning pedagogik merosining asosiy yo‘nalishlari sifatida baholandi.