DO‘LANA MARMELADINI VAKUMLI QADOQLASH TEXNOLOGIYASI VA MAHSULOT SIFATIGA TA’SIRI

Mazkur maqolada do‘lana (Crataegus L.) mevasidan tayyorlangan marmadelni vakuumli qadoqlash texnologiyasining ilmiy-nazariy asoslari, texnologik jarayon bosqichlari hamda qadoqlash jarayonining mahsulot sifat ko‘rsatkichlariga ta’siri yoritilgan. Do‘lana mevasining biologik faol moddalarga, jumladan, polifenollar, flavonoidlar, organik kislotalar va boshqa antioksidant birikmalarga boyligi uning qayta ishlangan mahsulotlar ishlab chiqarishdagi ahamiyatini oshiradi. Marmadelni vakuum sharoitida qadoqlash orqali mahsulotning kislorod bilan kontaktini kamaytirish, oksidlanish jarayonlarini sekinlashtirish, rang, hid, ta’m va konsistensiya kabi organoleptik xususiyatlarini saqlash imkoniyatlari tahlil qilingan. Shuningdek, vakuumli qadoqlash uchun mos qadoqlash materiallari, texnologik parametrlar va mahsulot xavfsizligini ta’minlash masalalari ko‘rib chiqilgan.