BOLALAR VA YOSHLAR UCHUN INSON HUQUQLARI TA'LIMI: GENDER TENGLIK, IQLIM O'ZGARISHI VA RAQAMLI INKLYUZIYA INTEGRATSIYALASHGAN YONDASHUVI

Mazkur maqolada bolalar va yoshlar uchun inson huquqlari ta'limini gender tenglik, iqlim o'zgarishi va raqamli inklyuziya yo'nalishlarining uyg'unligi asosida takomillashtirish masalasi tahlil qilinadi. Xalqaro hujjatlar, milliy qonunchilik va ilmiy adabiyotlarni qiyosiy-huquqiy hamda tizimli tahlil qilish orqali ushbu uch yo'nalishning umumiy huquqiy asosi bola huquqlari konsepsiyasi ekanligi asoslanadi. Tadqiqot natijasida mavjud ta'lim amaliyotidagi parchalanganlik, nazariy yo'nalganlik va yoshlar ishtirokining cheklanganligi kabi muammolar aniqlanib, ularni bartaraf etishga qaratilgan "Huquq – Yer – Raqam" nomli integratsiyalashgan o'quv modeli taklif etiladi.