SUN’IY INTELLEKT VA ZAMONAVIY HUQUQ. INSON HUQUQLARINING YANGI QIRRALARI QANDAY SHAKLLANMOQDA?

Mazkur maqolada sun’iy intellekt texnologiyalarining jadal rivojlanishi sharoitida zamonaviy huquq va inson huquqlarining o‘zaro bog‘liqligi tahlil qilinadi. Tadqiqotda sun’iy intellektdan foydalanish jarayonida shaxsiy hayot daxlsizligi, shaxsiy ma’lumotlarni himoya qilish, tenglik va kamsitilmaslik, axborot olish hamda adolatli munosabatda bo‘lish kabi fundamental inson huquqlariga ta’sir ko‘rsatuvchi masalalar yoritiladi. Shuningdek, sun’iy intellekt asosida qabul qilinadigan qarorlarning shaffofligi, inson nazorati va javobgarlik masalalari huquqiy nuqtayi nazardan ko‘rib chiqiladi. Maqolada sun’iy intellektning rivojlanishi natijasida yuzaga kelayotgan yangi huquqiy munosabatlar hamda inson huquqlarini raqamli muhitda samarali himoya qilishning zamonaviy mexanizmlari tahlil qilinadi. Tadqiqot yakunida texnologik taraqqiyot va inson huquqlarini ta’minlash o‘rtasidagi muvozanatni saqlashga qaratilgan ilmiy-amaliy xulosalar ilgari suriladi.