TALABALARNING INDIVIDUAL IJODIY QOBILIYATLARINI QALAMTASVIR MASHQLARI ORQALI RIVOJLANTIRISH

: Maqolamda asosan qalamtasvir mashqlari orqali talabalarning individual ijodiy qobiliyatlarini rivojlantirish imkoniyatlari tadqiq etiladi. Ishda talabalarning badiiy fikrlashini faollashtirish, mustaqil tasviriy yechimlar topish va shaxsiy yondashuvini namoyon etishga xizmat qiladigan o‘quv topshiriqlarining mazmuni o‘rganiladi. Shuningdek, erkin chizish mashqlari, turli shakllarni kuzatish, naturani o‘ziga xos tarzda talqin qilish hamda grafik vositalardan maqsadli foydalanishning ijodiy faoliyatga ta’siri tahlil qilinadi. Mashg‘ulotlarni tashkil etishda talabalarning qiziqishlari, tayyorgarlik darajasi va individual ishlash xususiyatlarini hisobga olish masalalariga e’tibor qaratiladi. Tadqiqot natijalari qalamtasvir darslarida ijodiy mustaqillikni qo‘llab-quvvatlash, talabalarning shaxsiy imkoniyatlarini yuzaga chiqarish va amaliy ta’lim samaradorligini oshirishga qaratilgan metodik tavsiyalar ishlab chiqishda foydalanilishi mumkin.