SUN'IY INTELLEKT SHAROITIDA ZAMONAVIY PEDAGOGIK TA'LIM MUHITINI TRANSFORMATSIYALASHNING DIDAKTIK VA METODOLOGIK ASOSLARI

Maqolada sun'iy intellekt texnologiyalari rivojlanishi sharoitida zamonaviy pedagogik ta'lim muhitini transformatsiyalashning didaktik va metodologik asoslari tadqiq etilgan. Raqamli texnologiyalarning ta'lim jarayoniga integratsiyalashuvi natijasida pedagogik faoliyat mazmuni, o'qituvchi va ta'lim oluvchi o'rtasidagi munosabatlar, bilimlarni o'zlashtirish mexanizmlari hamda ta'lim natijalarini baholash tizimida yuz berayotgan o'zgarishlar tahlil qilingan. Sun'iy intellektning adaptiv ta'limni tashkil etish, individual ta'lim trayektoriyalarini shakllantirish, mustaqil va tanqidiy fikrlashni rivojlantirishdagi didaktik imkoniyatlari asoslangan. Shuningdek, texnologik imkoniyatlar va inson omili o'rtasidagi pedagogik muvozanat masalasi yoritilgan. Tadqiqot natijasida sun'iy intellekt, pedagogik boshqaruv, shaxsga yo'naltirilgan ta'lim va refleksiv faoliyatni integratsiyalovchi mualliflik konseptual-didaktik modelini qo'llash taklif etilgan. Model zamonaviy ta'lim muhitining samaradorligini oshirish, pedagogik jarayonni individuallashtirish va ta'lim oluvchilarning intellektual salohiyatini rivojlantirishga yo'naltirilgan.