INKLYUZIV TA'LIMDA OTA-ONALAR VA PEDAGOGLAR HAMKORLIGINING AHAMIYATI

Mazkur maqolada maktabgacha ta'lim tashkilotlarida inklyuziv ta'limni samarali tashkil etishda ota-onalar va pedagoglar hamkorligining o'rni, mazmuni hamda pedagogik-psixologik ahamiyati tahlil qilinadi. Alohida ta'lim ehtiyojlariga ega bolalarning ta'lim-tarbiya jarayonida faol ishtirokini ta'minlash, ularning individual imkoniyatlarini rivojlantirish va ijtimoiy moslashuvini qo'llab-quvvatlashda oila hamda ta'lim tashkiloti o'rtasidagi uzviy hamkorlik muhim omil sifatida yoritiladi. Shuningdek, ota-onalar bilan samarali muloqot o'rnatish, pedagogik maslahatlar tashkil etish, individual rivojlanish rejasini ishlab chiqish, oilaviy va guruhiy mashg'ulotlarni yo'lga qo'yish masalalariga e'tibor qaratiladi. Tadqiqotda ilmiy adabiyotlar va me'yoriy-huquqiy hujjatlarni tahlil qilish, qiyosiy tahlil, tizimlashtirish hamda pedagogik umumlashtirish metodlaridan foydalanildi. Tahlil natijasida inklyuziv ta'limda ota-onalar va pedagoglar hamkorligini rivojlantirishning tashkiliy-pedagogik shart-sharoitlari aniqlashtirilib, maktabgacha ta'lim amaliyotini takomillashtirishga qaratilgan tavsiyalar ishlab chiqildi.