ҲУҚУҚБУЗАРЛИКЛАР ПРОФИЛАКТИКАСИДА ИЧКИ ИШЛАР ОРГАНЛАРИ ВА ОММАВИЙ АХБОРОТ ВОСИТАЛАРИ ҲАМКОРЛИГИНИНГ ҲУҚУҚИЙ МЕХАНИЗМЛАРИНИ РИВОЖЛАНТИРИШ

Мақолада ҳуқуқбузарликларнинг олдини олишга қаратилган фаолиятда ички ишлар органлари ва оммавий ахборот воситалари ўртасидаги ҳамкорликнинг ҳуқуқий ва ташкилий жиҳатлари тадқиқ этилган. Ушбу ҳамкорликнинг жамоатчилик ҳуқуқий онгини юксалтириш, профилактик ахборотни кенг тарқатиш, давлат органлари фаолиятида очиқликни таъминлаш ҳамда жамоатчилик назоратини ривожлантиришдаги аҳамияти асослаб берилган. Амалдаги қонунчилик нормалари ва илмий қарашлар таҳлили асосида ички ишлар органлари билан оммавий ахборот воситалари ўртасидаги муносабатларни ҳуқуқий жиҳатдан аниқлаштириш, ҳамкорлик шаклларини белгилаш ва мазкур жараёнда иштирок этувчи субъектларнинг ҳуқуқ ҳамда мажбуриятларини мустаҳкамлашга доир таклифлар ишлаб чиқилган.