QISHLOQ XO'JALIGI MAHSULOTLARINI YETISHTIRISH VA YETKAZIB BERISH SHARTNOMALARIDA TAVAKKALCHILIKNI TAQSIMLASH HAMDA FUQAROLIK-HUQUQIY JAVOBGARLIKNI TAKOMILLASHTIRISH

Maqolada qishloq xo'jaligi mahsulotlarini yetishtirish va yetkazib berishda yuzaga keladigan tavakkalchilikni taraflar o'rtasida taqsimlash hamda shartnomaviy javobgarlikni qo'llash masalalari tahlil qilinadi. Odatiy ishlab chiqarish xavfi, yengib bo'lmaydigan kuch, vaziyatning jiddiy o'zgarishi va kontragentning majburiyatni buzishi o'rtasidagi farqlar ochib beriladi. Muallif tavakkalchilikni uni boshqarish va dalillash imkoniyatiga mos taqsimlashni taklif qiladi. Sug'urta hodisasining tan olinishi yetkazib berish majburiyatidan avtomatik ozod etmasligi asoslanadi. Paxta savdolariga doir shartnomalarni yopish jarayonida bajarilmaslik sabablarini qayd etish, agrar sug'urtada muqobil xabardor qilish va dalillarni saqlash tartibini takomillashtirish yuzasidan aniq normativ takliflar ishlab chiqiladi.