OʻZBEKISTON TASHQI SAVDO AYLANMASINING STATISTIK TAHLILI (2019–2025)

Ushbu maqolada Oʻzbekiston Respublikasining 2019–2025 yillardagi tashqi savdo aylanmasi tavsifiy statistika usullari yordamida tahlil qilingan. Tadqiqotda arifmetik oʻrtacha, median, standart ogʻish, variatsiya koeffitsiyenti, geometrik oʻrtacha oʻsish sur'ati, chiziqli trend va z-ball usullari qoʻllanilgan. Natijalar shuni koʻrsatadiki, tashqi savdo aylanmasi 2019–2025 yillarda 42,2 mlrd dollardan 81,2 mlrd dollarga yetgan, biroq salbiy savdo balansi barqaror oʻsib, 2023-yilda 13,7 mlrd dollarga yetgan. Eksport geometrik oʻrtacha yillik 11,2 foizga oʻsgan boʻlsa, import 11,8 foizga oʻsgan, bu esa tarkibiy import qaramligini tasdiqlaydi. 2020-yildagi COVID-19 ta'siridagi pasayish statistik autlayer sifatida aniqlangan.