CHINGIZXON VA ALOVUDDIN MUHAMMAD II O`RTASIDA DIPLOMATIK MOJARO.

Ushbu ishda Chingizxon va Alovuddin Muhammad o'rtasidagi diplomatik mojaro tahlil qilinadi. Tadqiqotda mojaroning kelib chiqish sabablari, ayniqsa savdo aloqalari doirasida yuzaga kelgan O'tror voqeasi va uning siyosiy oqibatlari yoritiladi. Chingizxon tomonidan yuborilgan elchilarning o'ldirilishi xalqaro diplomatik me'yorlarning buzilishi sifatida baholanadi va bu holat ikki davlat o'rtasidagi munosabatlarning keskinlashuviga olib kelgani ko'rsatib beriladi. Shuningdek, ishda mojaroning Mo'g'ullar istilosi bilan yakun topgani, buning natijasida Xorazmshohlar davlati inqirozga yuz tutgani ilmiy asosda tahlil qilinadi. Annotatsiyada diplomatik xatolar, siyosiy qarorlarning oqibatlari hamda o'sha davr xalqaro munosabatlar tizimiga ta'siri umumlashtirilgan.