OʻZBEKISTONDA KARTOSHKA YALPI HOSILINI DINAMIKA QATORLARI VA TREND MODELLARI YORDAMIDA STATISTIK BAHOLASH VA PROGNOZLASH

Ushbu maqolada Oʻzbekistonda kartoshka yalpi hosili dinamikasi 2014–2024 yillar mobaynida statistik usullar yordamida tahlil qilingan. Tadqiqotda Oʻzbekiston Respublikasi Statistika agentligi rasmiy ma'lumotlari asosida dinamika qatorlarining analitik koʻrsatkichlari, uch yillik sirgʻaluvchi oʻrtacha, hamda chiziqli, eksponensial va parabola trend modellari qurilgan. Eng kichik kvadratlar (EKK) usuli bilan baholangan modellar determinatsiya koeffitsienti (R²), oʻrtacha absolyut foizli xatolik (MAPE) va Darbin–Uotson mezoni asosida taqqoslangan. Natijalar eksponensial trend modelining eng yuqori moslik darajasiga ega ekanligini koʻrsatdi (R² = 0,9950; MAPE = 1,04%). 2025–2027 yillarga prognoz natijalari keltirilgan.