OʻZBEKISTONDA TOʻGʻRIDAN-TOʻGʻRI XORIJIY INVESTITSIYALAR VA IQTISODIY OʻSISH OʻRTASIDAGI STATISTIK BOGʻLIQLIK (2020–2024)

Ushbu maqolada Oʻzbekistondagi toʻgʻridan-toʻgʻri xorijiy investitsiyalar (TXI) oqimi va real yalpi ichki mahsulot (YAIM) oʻsish sur'ati oʻrtasidagi statistik bogʻliqlik 2020–2024-yillar ma'lumotlari asosida tahlil qilingan. Tadqiqotda tavsifiy statistika koʻrsatkichlari — arifmetik oʻrtacha, median, standart ogʻish, variatsiya koeffitsiyenti — hamda Pirson korrelyatsiya koeffitsiyenti qoʻllanilgan. Hisob-kitob natijalari TXI hajmi va YAIM oʻsishi oʻrtasida oʻrtacha darajadagi ijobiy bogʻliqlik (r ≈ 0,68) mavjudligini koʻrsatdi. TXI oqimi besh yil davomida 1,73 mlrd dollardan 2,85 mlrd dollarga oʻsgan boʻlib, oʻrtacha yillik oʻsish 13,3 foizni tashkil etdi. YAIM oʻsishi esa 2020-yildagi 1,6 % dan 2024-yildagi 6,5 % ga tiklanib, barqaror oʻsish tendentsiyasini namoyish etdi. Natijalar investitsion muhitni yaxshilash va iqtisodiy oʻsishni ragʻbatlantirish boʻyicha amaliy takliflar bilan toʻldirilgan.