TRANSFORMATION OF ELEMENTS OF NATIONAL APPLIED ART IN CONTEMPORARY CLOTHING DESIGN

Mazkur maqolada o'zbek milliy amaliy san'ati namunalarini zamonaviy liboslar dizayniga moslashtirish jarayonining badiiy-kompozitsion xususiyatlari hamda konstruktiv yechimlari o'rganiladi. Tadqiqotda an'anaviy naqshlar, milliy matolar, kashtachilik usullari hamda bezak elementlarini zamonaviy kiyim shakllari bilan uyg'unlashtirish imkoniyatlari asosiy o'rganish yo'nalishi sifatida belgilanadi. Mavzu doirasida milliy madaniy qadriyatlarni asrab-avaylash hamda ularni bugungi kunning estetik mezonlari va zamonaviy dizayn talablari asosida yangicha talqin etish masalalari ko'rib chiqiladi. Naqshlarni stilizatsiyalash, kompozitsion jihatdan qayta shakllantirish, material va rang xususiyatlaridan samarali foydalanish, shuningdek, milliy an'anaviy unsurlarni libos konstruksiyasiga uyg'unlashtirish usullari tahlil qilinadi. Maqolada milliy amaliy san'at namunalarining zamonaviy liboslar dizaynida qo'llanilishiga oid ijodiy yondashuvlar va uslubiy imkoniyatlarni aniqlashga alohida e'tibor qaratiladi.