LINGVOKULTUROLOGIK VA METODIK YONDASHUVLAR ASOSIDA OʻZBEK TILI TA'LIMINI MODERNIZATSIYA QILISH VA NUTQ GRAFOSINI SHAKLLANTIRISH

Kirish: Ushbu tadqiqot globallashuv davrida ona tili ta'limini modernizatsiya qilish hamda ta'lim jarayoniga lingvokulturologik yondashuvni joriy etish masalasiga bagʻishlangan. Maqsad: Oʻzbek tili ta'limida milliylik va zamonaviy raqamli pedagogik texnologiyalarni integratsiyalash orqali oʻquvchilarning komunikativ hamda madaniy kompetensiyalarini rivojlantirish samaradorligini baholash. Metodologiya: Tadqiqotda aralash metodlar (metodologik va empirik tahlil, ped-eksperiment hamda statistik tahlil — Student t-kriteryasi) qoʻllandi. Eksperimentda 240 nafar oʻquvchi (120 nafar nazorat, 120 nafar eksperimental guruh) ishtirok etdi. Natijalar: Lingvokulturologik va interfaol raqamli modullarni qoʻllash natijasida eksperimental guruh oʻquvchilarining matniy tahlil va semantik anglash koʻrsatkichi nazorat guruhiga nisbatan 21.4% ga yuqori natija koʻrsatdi (p < 0.05). Xulosa: Lingvokulturologik yondashuv tilni an'anaviy qoidalar majmui sifatida emas, balki milliy mentalitet va dunyoqarash koʻzgusi sifatida oʻzlashtirishga xizmat qiladi.