KARPSIMON BALIQLAR LIGULIDOZLARINING BIOLOGIYASI, VA QARSHI KURASH TADBIRLARI

Ushbu maqolada karpsimon baliqlarda uchraydigan ligulidoz kasalligining morfologik, biologik va etiologik xususiyatlari, kasallikning tarqalish mexanizmlari, baliq organizmida yuzaga keltiradigan patologik o'zgarishlari, klinik belgilari, diagnostikasi hamda profilaktikasi yoritilgan. Ligulidoz chuchuk suv baliqlarining parazitar kasalliklaridan biri bo'lib, uning rivojlanishida Ligula avlodiga mansub tasmasimon chuvalchanglar muhim ahamiyatga ega. Parazitning hayot sikli zooplankton tarkibidagi kurakoyoqli qisqichbaqasimonlar, baliqlar va baliqxo'r qushlar ishtirokida kechadi. Kasallik baliqlarning tana tuzilishi, ichki a'zolari, jinsiy bezlari, oziqlanishi va ko'payish qobiliyatiga salbiy ta'sir ko'rsatishi mumkin. Maqolada baliqchilik xo'jaliklarida kasallik xavfini kamaytirishga qaratilgan ilmiy asoslangan veterinariya-sanitariya, ekologik va xo'jalik tadbirlari bayon etilgan.