DUNYO TILLARINING GENEALOGIK TASNIFI VA UNING TAMOYILLARI

Maqolaning maqsadi dunyo tillarining genealogik tasnifini belgilovchi asosiy tamoyillarni yoritish, ularning amaliy qoʻllanishini koʻrsatish va tasnifdagi metodik mezonlarni aniqlashtirishdan iborat. Tadqiqotda tavsifiy-qiyosiy va tarixiy-qiyosiy metodlar qoʻllanib, tillar qarindoshlik belgilari asosida guruhlandi hamda fonetik, leksik va grammatik mosliklar izchil tahlil qilindi. Tahlil natijalari genealogik tasnifning markaziy mezoni muntazam tovush muvofiqliklari va umumiy tarixiy qatlamni aniqlash ekanini koʻrsatdi. Xulosa qilib aytganda, genealogik tasnif tillarni tarixiy qarindoshlik asosida tartibga solishda eng ishonchli yondashuv boʻlib, uning samaradorligi qiyosiy-tarixiy metodni izchil qoʻllash va dalillarni ehtiyotkor talqin qilishga bogʻliq. Kalit soʻzlar: genealogik tasnif, til qarindoshligi, qiyosiy-tarixiy metod, muntazam tovush mosliklari, asosiy leksika, areal ta'sir, til oilalari, tarixiy rekonstruksiya.