SHAYX MUHAMMAD SODIQ MUHAMMAD YUSUFNING "IJTIMOIY ODOBLAR" ASARINING PEDAGOGIK XUSUSIYATLARI

Mazkur maqolada Shayx Muhammad Sodiq Muhammad Yusufning "Ijtimoiy odoblar" asarida ilgari surilgan ma'naviy-axloqiy va ijtimoiy-tarbiyaviy qarashlarning pedagogik mazmuni tahlil qilinadi. Asarning shaxs ma'naviyatini shakllantirish, muomala madaniyatini rivojlantirish, ijtimoiy mas'uliyatni kuchaytirish hamda yosh avlodda odob-axloq me'yorlarini qaror toptirishdagi imkoniyatlari yoritiladi. Tadqiqot davomida asarning mazmun-mohiyati pedagogikaning tarbiya, axloqiy kamolot, ijtimoiylashuv, shaxsga yo'naltirilgan yondashuv va amaliy faoliyat bilan bog'liq tamoyillari nuqtayi nazaridan tahlil etildi. Shuningdek, asardagi odob tushunchasining nazariy asoslari bilan uning kundalik hayotdagi amaliy ko'rinishlari o'rtasidagi uzviylik ochib beriladi. "Ijtimoiy odoblar"ning ta'lim-tarbiya jarayonida foydalanish imkoniyatlari hamda uning yoshlarning ijtimoiy kompetensiyalarini rivojlantirishdagi ahamiyati asoslab beriladi.