BOSHLANG'ICH SINF YOSHIDAGI O'QUVCHILARNING BILISH JARAYONLARI HAMDA EMOTSIONAL-INTELLEKTUAL XUSUSIYATLARI

Ushbu tizesda boshlang'ich sinf yoshidagi o'quvchilarning bilish jarayonlari (idrok, diqqat, xotira, tafakkur va xayol) hamda ularning emotsional-intellektual xususiyatlari o'rtasidagi o'zaro uzviy bog'liqlik ilmiy-nazariy jihatdan tahlil qilingan. Kichik maktab yoshida yetakchi faoliyatning o'yindan tizimli o'quv faoliyatiga o'tishi munosabati bilan barcha kognitiv funksiyalarning ixtiyoriylik va onglilik kasb etishi yoritilgan. Shuningdek, ta'lim jarayonida yuzaga keladigan epistemik va yutuq emotsiyalarining o'quvchining aqliy faoliyatini rag'batlantirishdagi o'rni, kognitiv ziddiyatlarni yengib o'tish orqali kashfiyot quvonchi va intellektual g'ururni shakllantirish masalalari ochib berilgan. Maqolada o'quvchilarning emotsional regulyatsiya ko'nikmalarini rivojlantirish va sinfda qulay psixologik muhit yaratishning pedagogik ahamiyati asoslab berilgan.