O‘ZBEKISTONDA DAVLAT BOSHQARUVINI RAQAMLASHTIRISH SAMARADORLIGINI BAHOLASHNING ZAMONAVIY YONDASHUVLARI

Mazkur maqolada O‘zbekiston Respublikasida davlat boshqaruvini raqamlashtirish bo‘yicha amalga oshirilayotgan islohotlarning samaradorligini baholash usullari va xalqaro yondashuvlar tahlil qilinadi. BMTning E-Government Survey tadqiqoti va boshqa xalqaro indekslar doirasida onlayn xizmatlar, axborot infratuzilmasi hamda inson kapitali kabi mezonlar bo‘yicha davlat boshqaruvi rivojlanishi baholanadi. Jahon bankining GovTech yetuklik indeksi va OECD Digital Government indeksining mohiyati, ularning O‘zbekistondagi ahamiyati muhokama qilinadi. Tahlil natijalari shuni ko‘rsatadiki, respublikada yagona raqamli platformalarning joriy etilishi fuqarolarga xizmat ko‘rsatish imkoniyatlarini kengaytirgan bo‘lsa-da, idoralararo integratsiya, kadrlar malakasi va natijalarni to‘g‘ri baholash tizimining yetishmasligi kabi muammolar mavjud. Maqolada shuningdek, raqamlashtirish samaradorligini baholash uchun xalqaro va milliy ko‘rsatkichlarni uyg‘unlashtirish zarurligi ta‘kidlanadi.