TIBBIYOT TALABALARIGA INGLIZ TILINI O'QITISHDA SUN'IY INTELLEKT TEXNOLOGIYALARIDAN FOYDALANISH IMKONIYATLARI

Ushbu ilmiy maqolada tibbiyot talabalari uchun ingliz tilini (English for Specific Purposes – ESP) o‘qitishda sun’iy intellekt (SI) texnologiyalarini integratsiya qilish metodikasi tahlil qilingan. Globalizatsiya sharoitida zamonaviy shifokorlardan xalqariy ilmiy adabiyotlarni o‘qish, xorijiy hamkasblar bilan muloqot qilish va tibbiy ma’ruzalar taqdim etish talab etiladi. An’anaviy o‘qitish usullari talabalarning individual ehtiyojlarini va tibbiyot sohasidagi murakkab kontekstlarni to‘liq qamrab ola olmasligi muammo sifatida belgilangan. Maqolada Katta til modellari (LLMs), chatbotlar va adaptiv o‘qitish tizimlaridan foydalangan holda klinik holatlarni simulyatsiya qilish, tibbiy terminologiyani o‘zlashtirish va kasbiy kommunikatsiya ko‘nikmalarini shakllantirishning yangi metodikasi ishlab chiqilgan. Tadqiqot natijalari SI ning ta’lim jarayonidagi samaradorligini, shuningdek, tibbiy axborot xavfsizligi va "SI gallyutsinatsiyalari" bilan bog‘liq ehtiyot choralarini yoritib beradi.