ME'DA OSTI BEZI O'SMALARI DIFFERENSIAL DIAGNOSTIKASIDA KT-RADIOMIKA VA KLINIK LABORATOR KO'RSATKICHLARNI INTEGRATSIYALASHGAN BAHOLASH

Ushbu tadqiqot me'da osti bezi o'smalarini operatsiyadan oldingi bosqichda tabaqalashtirishda kompyuter tomografiyasi radiomikasi va klinik-laborator markerlar integratsiyasining diagnostik samaradorligini tizimli tahlil qilishga qaratilgan. PubMed, Google Scholar va Scopus bazalaridagi 2020–2026-yillarga oid 45 dan ortiq ilmiy manbalar ko'rib chiqildi. Tahlillar shuni ko'rsatdiki, an'anaviy vizual baholash va alohida olingan CA 19-9 onkomarkeri past spetsifiklikka ega. KT tasvirlaridan olingan tekstura belgilari va klinik-yallig'lanish markerlari (NLR, PLR, CRP) kombinatsiyasi asosidagi mashinali o'qitish modellari differensial diagnostika aniqligini (AUC) 0.88–0.94 gacha oshirgan. KT-radiomika va laborator ko'rsatkichlar integratsiyasi preoperativ bosqichda noinvaziv, aniq tashxis qo'yish va optimal jarrohlik taktikasini tanlash imkonini beruvchi eng samarali multimodal yondashuvdir.