ISTIQBOLLI BUG'DOY LINIYALARINI TANLASHDA MOLEKULYAR MARKERLARDAN FOYDALANISH IMKONIYATLARI

Ushbu tezisda istiqbolli bug'doy liniyalarini tanlashda molekulyar markerlardan foydalanishning ilmiy asoslari, seleksion ahamiyati va amaliy imkoniyatlari yoritilgan. Bug'doy seleksiyasida hosildorlik, qurg'oqchilikka va sho'rlanishga chidamlilik, kasalliklarga qarshilik hamda don sifati kabi belgilarni birgalikda yaxshilash muhim vazifa hisoblanadi. Molekulyar markerlar o'simlik genomidagi muayyan genetik farqlarni aniqlash orqali kerakli allellarga ega genotiplarni tanlash imkonini beradi. Ayniqsa, DH (doubled haploid) texnologiyasi asosida olingan liniyalar bilan birgalikda qo'llanganda genetik materiallarni baholash va seleksiya jarayonini jadallashtirish uchun qulay sharoit yaratiladi.