POETICS OF ARTISTIC PSYCHOLOGISM AND THE CONCEPT OF HUMANITY IN UZBEK HISTORICAL NOVELISTICS

Maqolada atoqli adib Pirimqul Qodirovning “Yulduzli tunlar”, “Avlodlar dovoni” hamda “Ona lochin nigohi” romanlari tadqiqot obyekti sifatida olinib, unda tarixiy faktning badiiy to’qima bilan dialektik sintezi, shaxs konsepsiyasi, qahramon ruhiyatining murakkab qatlamlari ilmiy jihatdan tahlil qilinadi. Qahramon botiniy olamini moddiylashtirishda ichki monolog, ong oqimi, psixologik portret, tush motifi, retrospeksiya hamda ramziy peyzaj vositalarining estetik vazifasi ochib beriladi. Shuningdek, hukmdorlik rutbasi va insoniy mohiyat o’rtasidagi ziddiyatlar, ruhiy inqiroz hamda katarsis jarayonlari qiyosiy-tipologik tahlil qilinadi.