O'ZBEK TILI MATNLARIDA KALIT SO'ZLARNI AVTOMATIK ANIQLASH USULLARI

So'nggi yillarda axborot texnologiyalari, xususan, tabiiy tilni qayta ishlash (Natural Language Processing — NLP) yo'nalishida olib borilayotgan tadqiqotlar O'zbek tili uchun ham dolzarb ahamiyat kasb etmoqda. Internetdagi ma'lumotlar hajmining keskin ortishi, ilmiy, ijtimoiy va iqtisodiy axborotlarning raqamli ko'rinishga o'tishi matnlarni avtomatik tahlil qilish zaruratini yuzaga keltirdi. Shunday muhim yo'nalishlardan biri — kalit so'zlarni avtomatik aniqlash texnikasidir.