«SMART FARM» SHAROITIDA YETISHTIRILGAN QULUPNAY NAVLARINING TEXNOLOGIK KO'RSATKICHLARI VA ULARDAN FUNKSIONAL OZIQ-OVQAT MAHSULOTLARI OLISHNI ASOSLASH

Ushbu tezisda «Smart Farm» texnologiyalari asosida yetishtirilgan qulupnay mevalarining texnologik ko'rsatkichlarini baholash va ulardan funksional oziq-ovqat mahsulotlari ishlab chiqarish imkoniyatlari yoritilgan. Qulupnayning kimyoviy tarkibi, biologik faol birikmalari, meva sifatiga ta'sir qiluvchi yetishtirish omillari hamda qayta ishlash jarayonlarining mahsulot xususiyatlariga ta'siri tahlil qilingan. Shuningdek, raqamli boshqaruv tizimlari yordamida yetishtirish sharoitlarini nazorat qilish, xomashyo sifatini barqarorlashtirish va qayta ishlash uchun maqbul texnologik yondashuvlarni tanlash masalalariga e'tibor qaratilgan.