ONA TILI VA ADABIYOT DARSLARIDA O'QUVCHILARDA VATANPARVARLIK TUYG'USINI SHAKLLANTIRISHDA BADIIY ASARLARNING TARBIYAVIY IMKONIYATLARI

Mazkur maqolada ona tili va adabiyot darslarida o'quvchilarda vatanparvarlik tuyg'usini shakllantirishda badiiy asarlarning tarbiyaviy imkoniyatlari tahlil qilinadi. Muallif badiiy adabiyotning o'quvchi qalbiga obraz, badiiy so'z va hissiy kechinma orqali ta'sir etuvchi o'ziga xos tarbiya vositasi ekanligini asoslab, vatanparvarlik mavzusidagi she'r, doston va hikoyalarning o'quvchida ona-Vatanga muhabbat, milliy g'urur va fidoyilik tuyg'ularini uyg'otishdagi o'rnini ochib beradi. Maqolada badiiy asar qahramonlari obrazi, asarning g'oyaviy-badiiy mazmuni va ularning tahlili vositasida tarbiyaviy ta'sirni kuchaytirish yo'llari ko'rsatilgan. Natijalar shuni ko'rsatadiki, badiiy asar vatanparvarlik tuyg'usini quruq nasihat emas, balki jonli estetik idrok orqali shakllantiradi va shu bois ona tili va adabiyot darslari milliy-ma'naviy tarbiyaning eng ta'sirchan omillaridan biri hisoblanadi.