NEMIS-O'ZBEK MEDIADISKURSIDA O'ZLASHMA JUFT SO'ZLARNING SEMIOTIK TALQINI

Mazkur maqolada zamonaviy media-diskursning o'zgaruvchan tabiatida tillarning o'zaro ta'siri va kontaktlashuvi natijasida yuzaga keladigan lingvistik yangiliklar, xususan, nemis-o'zbek tillari kesishmasida shakllanayotgan o'zlashma juft so'zlarning semiotik xususiyatlari tadqiq etiladi. Xorazm viloyati va butun O'zbekiston miqyosida Germaniya bilan ta'limiy-iqtisodiy hamkorlikning kengayishi, kasb-hunar ta'limi (dual ta'lim) tizimining joriy etilishi natijasida mediadiskursda paydo bo'layotgan leksik-semantik birliklar tahlil qilingan. Tadqiqot davomida ushbu o'zlashma juft so'zlarning indeksikal (indexical), ikonik (iconic) va ramziy (symbolic) vazifalari ochib berilib, ularning kommunikativ-pragmatik funksiyalari yoritilgan.