TIBBIYOT OLIY TA'LIM MUASSASALARI TALABALARINING HARBIY XIZMATGA TAYYORGARLIGINI TA'MINLASHDA KASBIY-AMALIY JISMONIY TAYYORGARLIKNING O'RNI VA AHAMIYATI

Mazkur maqolada tibbiyot oliy ta'lim muassasalari talabalarini harbiy xizmatga tayyorlash jarayonida kasbiy-amaliy jismoniy tayyorgarlikning o'rni va ahamiyati tahlil qilinadi. Harbiy-tibbiy faoliyatni amalga oshirishda zarur bo'lgan jismoniy sifatlar, funksional imkoniyatlar, psixologik barqarorlik va amaliy ko'nikmalarni shakllantirish masalalariga alohida e'tibor qaratiladi. Shuningdek, tibbiyot yo'nalishida tahsil olayotgan talabalarning jismoniy tayyorgarligini takomillashtirish, jismoniy tarbiya mashg'ulotlarini kasbiy faoliyat talablariga moslashtirish hamda ta'lim jarayoniga kasbiy-amaliy mashqlarni integratsiyalash bo'yicha ilmiy-uslubiy tavsiyalar ishlab chiqiladi.