BADIIY ASARLARNI QIYOSLAB O'RGANISHDA SYUJET ELEMENTLARIDAN FOYDALANISH

Mazkur tezisda badiiy asarlarni qiyoslab o'rganishda syujet elementlaridan foydalanishning nazariy va metodik jihatlari tahlil qilingan. Syujetning ekspozitsiya, tugun, voqealar rivoji, kulminatsiya va yechim kabi asosiy elementlarining badiiy asar mazmunini ochishdagi o'rni yoritilgan. Turli asarlardagi syujet qurilishini qiyoslash orqali mavzu, g'oya, konflikt, obrazlar tizimi va muallifning ijodiy maqsadini chuqurroq anglash imkoniyatlari ko'rsatib berilgan. Shuningdek, syujet elementlariga asoslangan qiyosiy tahlilning o'quvchilarning mustaqil fikrlashi, mantiqiy xulosa chiqarishi va badiiy asarni tizimli tahlil qilish ko'nikmalarini rivojlantirishdagi ahamiyati asoslangan.