ZAMONAVIY ERTAKLARDA MAVZU VA GʻOYA MASALASI

Ushbu maqolada zamonaviy ertaklarda mavzu doirasining kengayishi va gʻoyaviy yoʻnalishlarning oʻzgarishi tahlil qilinadi. An'anaviy xalq ertagi bilan mualliflik adabiy ertagining tipologik farqlari, yangi davr qahramoni obrazining shakllanishi, janrning tarbiyaviy va psixologik ahamiyati yoritilgan. Ekologik muammolar, texnologiya, emotsional savodxonlik, gender tengligi va salbiy obrazlar talqini kabi yoʻnalishlar X.Toʻxtaboyev, A.Obidjon asarlari hamda jahon bolalar adabiyotining ayrim namunalari asosida qiyosiy oʻrganilgan. Tadqiqot zamonaviy ertakda sehr va tarbiya muvozanatini saqlash masalasi dolzarb ekanini koʻrsatadi.