O'ZBEKISTON RESPUBLIKASINING MAKROIQTISODIY RIVOJLANISH DINAMIKASI VA ASOSIY KO'RSATKICHLARI

Maqolada O'zbekiston Respublikasining 2010–2025-yillardagi makroiqtisodiy rivojlanish dinamikasi tahlil qilingan. Asosiy ko'rsatkichlar 2017-yilda boshlangan islohotlardan oldingi (2010–2016) va keyingi (2017–2025) davrlar kesimida Uelch t-testi yordamida taqqoslangan. Islohotlardan keyin yalpi jamg'arish ulushi YaIMning 25,5 foizidan 34,2 foiziga, eksport ulushi 16,3 foizdan 21,7 foizga oshgan. Iqtisodiyotning tashqi savdoga ochiqligi 2016–2025-yillarda 25,7 foizdan 57,4 foizga ko'tarilgan. Shu bilan birga, investitsiyalar samaradorligini ifodalovchi ICOR koeffitsiyenti 3,3 dan 5,7 ga oshgan, tashqi qarz esa yalpi milliy daromadning 15 foizidan 60 foiziga yetgan. Natijalar asosida o'sish sifatini oshirish bo'yicha takliflar ishlab chiqilgan.