KANOP (HIBISCUS CANNABINUS L.) POYASIDAN TOLA AJRATISHDA ULTARTOVUSHLI ISHLOV BERISHNING DASTLABKI EKSPERIMENTAL TADQIQOTLAR

Mazkur maqolada kanop (Hibiscus cannabinus L.) poyasidan tola ajratib olish jarayonida ultratovushli ishlov berish imkoniyatlari bo'yicha o'tkazilgan dastlabki eksperimental tadqiqot natijalari keltirilgan. Tajribada kanop poyasi distillangan suvli, kulli suvli (kaliy karbonat K2CO3 va natriy karbonat Na2CO3) va loyqa suvli (suspenziya) muhitda ultratovush ta'siriga uchratilib, ishlov berish davomiyligi, harorat, suv miqdori va poya o'lchamlarining tola ajralish jarayoniga ta'siri kuzatilgan. Olingan natijalarga ko'ra, tanlangan sharoitlarda ultratovush kanop poyasining yumshashiga ma'lum bir darajada ta'sir ko'rsatgan bo'lsada, tolani yog'ochsimon qatlamdan ajratish uchun yetarli bo'lmagan. Natijalar ultratovush uskunasini mustaqil ajratish usuli sifatida emas, balki ivitish, fermentativ ishlov berish yoki dekortikatsiyadan oldingi yordamchi jarayon sifatida qo'llash imkoniyatini ko'rsatgan.