O'ZBEKISTON TOPONIMLARINI RAQAMLASHTIRISH VA ELEKTRON TOPONIMIK MA'LUMOTLAR BAZASINI SHAKLLANTIRISH MASALALARI

Maqolada O'zbekiston toponimlarini raqamlashtirish va yagona elektron toponimik ma'lumotlar bazasini (ETMB) shakllantirishning nazariy-metodologik hamda amaliy masalalari tadqiq etiladi. Toponim nafaqat geografik obyektni identifikatsiya qiluvchi belgi, balki xalqning tarixiy xotirasi, etnik tarkibi, diniy-ma'naviy qarashlari va xo'jalik tajribasini o'zida mujassam etgan milliy-madaniy qadriyat sifatida talqin qilinadi. Toponimlarda aks etgan milliy-madaniy qadriyatlarning olti qatlamli tasnifi ishlab chiqildi, ularni ma'lumotlar bazasida kodlash uchun metama'lumotlar sxemasi taklif etildi hamda «toponim qadriyat raqamli qatlam» strukturali modeli asoslandi.