NOY GORDONNING «THE PHYSICIAN» ROMANIDA TARIXIY SHAXS VA TO'QIMA QAHRAMON MUNOSABATLARINING NARRATOLOGIK POETIKASI

Maqolada Noy Gordonning «The Physician» (1986) romanida tarixiy shaxs — Abu Ali ibn Sino va badiiy to'qima mahsuli — Robert Jeremy Koul o'rtasidagi munosabatlarning narratologik poetikasi tahlil qilinadi. Tadqiqotning markazida tarixiy referentning badiiy personajga aylanishi, qahramonlar o'rtasidagi ustoz–shogird munosabatining syujetni tashkil etishi, fokalizatsiya, vaqt tartibi, personajlar funksiyasi va tarixiy ishonarlilik effektining shakllanishi turadi. J. Genettning narrativ diskurs, M. Baxtinning xronotop, P. Rikyorning vaqt va hikoya hamda G. Lukachning tarixiy roman haqidagi nazariyalari asosida asardagi tarixiy va fiktiv qatlamlarning o'zaro bog'lanishi yoritiladi. Ibn Sino biografiyasiga oid tekshiriladigan ma'lumotlar bilan roman syujetidagi badiiy epizodlar qat'iy farqlanadi. Tahlil natijasida tarixiy shaxs romanda bilim va avtoritetning referensial tayanchi, to'qima qahramon esa shu bilimni tajribaga aylantiruvchi narrativ vositachi ekanligi asoslanadi.