O‘ZBOSHIMCHALIK BILAN EGALLANGAN YER UCHASTKALARIGA BO‘LGAN HUQUQLARNI E’TIROF ETISH INSTITUTINING HUQUQIY TABIATI

Mazkur maqolada o‘zboshimchalik bilan egallangan yer uchastkalariga hamda ularda qurilgan bino va inshootlarga bo‘lgan huquqlarni e’tirof etish institutining huquqiy tabiati tahlil qilinadi. O‘zbekiston Respublikasining O‘RQ-937-son Qonunida belgilangan huquqlarni e’tirof etish mexanizmining fuqarolik-huquqiy va ma’muriy-huquqiy jihatlari, huquqni e’tirof etish bilan davlat ro‘yxatidan o‘tkazishning o‘zaro nisbati, yer uchastkasiga ijara huquqi va undagi bino-inshootlarga mulk huquqining bir vaqtda vujudga kelishiga xizmat qiluvchi yuridik faktlar majmui ko‘rib chiqiladi. Shuningdek, avtomatlashtirilgan axborot tizimi, jamoatchilikka e’lon qilish, huquqiy ekspertiza va sud nazoratining mazkur institutdagi o‘rni ochib beriladi. Gruziya va Rossiya tajribasi bilan qiyosiy tahlil asosida huquqlarni e’tirof etishning maxsus, muddatli va shartli legalizatsiya mexanizmi sifatidagi xususiyatlari asoslantiriladi hamda amaldagi tartibni takomillashtirish yuzasidan takliflar ilgari suriladi.